Q. CURTII RUFI,

DE REBUS GESTIS

ALEXANDRI REGIS MACEDONUM,

LIBER VIII.

ARGUMENTUM.

CAP. I. Massagetis, Dahis, iterumque Sogdianis subactis, Scythæ sui regis filiam Alexandro conjugem afferunt; qui, leone interfecto et iv. millibus ferarum in venatione dejectis, Clitum solenni convivio adhibitum liberiusque locutum hasta transfigit. 11. Sera Alexandri pœnitentia; bellicæ deinde expeditiones adversus Bactrianos transfugas et Sysimithren. Philippi, strenuissimi juvenis, et Erigyii, clarissimi ducis, obitus. III. Spitamenis uxorem, interfecti mariti caput afferentem, Alexander castris excedere jubet: provincias quasdam a præfectorum suorum injuriis vindicat. IV. Frigoris nimia vi pæne opprimitur exercitus Gabazam aditurus. Alexandri constantia et erga gregarium militem humanitas; ejusdem, Cohortano in fidem recepto, cum Roxane matrimonium. v. Cogitationibus in bellum Indicum versis, adulatorum fraude nimia superbia elatus Alexander more Persarum Macedonas venerabundos ipsum salutare poscit, quod gravi oratione Callisthenes improbat. vi. Ex ignominia, Hermolao nobili puero illata, nascitur in caput Alexandri conjuratio: qua detecta, cum auctoribus sceleris innocens Callisthenes in vincula conjicitur. VII. In Alexandri superbiam et crudelitatem invehitur, Callisthenem defendit Hermolaus. VIII. Hermolao Alexander respondet, Callisthenem et reliquos conjuratos necari jubet. IX. In Indiam movet Alexander. Disserit Curtius de Indiæ situ, fluminibus, cœli temperie, animalibus, divitiis, de Indorum ingenio, regum luxuria, Gymnosophistarum vita ac sapientia. x. Alexander Indiæ cis Indum regulos nonnullos sibi occurrentes in fidem recipit, varias urbes et regiones deditionem detrectantes expugnat, et, in Mazagarum obsidione vulneratus, se esse hominem fatetur. XI. Urbem Oram et petram Aornon, ab Hercule frustra olim obsessam, post multos labores tandem in ditionem redigit. XII. India cis Indum domita, flumen transit Alexander, Omphiunque se et sua tradentem restituit: mutua dona regia. xi. Abisares se dedit, Barzaëntes et Gamaxus vincti in custodiam traduntur. Alexandri castra ad Hydaspen et bellum cum Poro; cujus copiis varia arte distractis, ripam adversam occupat Alexander. XIV. Indorum et Macedonum insignis et cruenta pugna: Pori captivi magnanimitas et Alexandri regis clementia.