Dicto psalmo repetatur antiphona. Ingrediar in locum tabernaculi admirabilis usque ad domum Dei. Qua dicta' dicat sacerdos orationem hoc modo. Oremus, fratres carissimi, pro spiritu cari nostri vel caræ nostræ N. quem Dominus de laqueo hujus sæculi liberare dignatus est, cujus corpusculum hodie sepulturæ traditur, ut eum vel eam pietas Domini in sinu 7 Et interim dum istæ antiphona (vide Note 6) cantantur cum suis psalmis, sacerdos dicat has orationes. "Oremus fratres." "Deus cui omnia vivunt." "Temeritatis quidem est." Opus est misericordiæ Domine sancte, Pater omnipotens, æter ne 66 Deus rogare pro aliis qui pro nostris supplicare peccatis nequaquam sufficimus: suscipe, rogamus, animam famuli tui .N. revertentem ad te. Adsit ei Angelus testamenti tui Michael: et per manus sanctorum angelorum tuorum inter sanctos et electos tuos in sinibus Abrahæ, Isaac, et Jacob, patriarcharum tuorum eam collocare digneris. Libera eum (eam?) Domine de principibus. tenebrarum et de locis pœnarum : ne famulus tuus ullis jam primævæ nativitatis vel ignorantiæ confundatur erroribus. Agnoscatur a tuis, et misericordia bonitatis tuæ ad locum refrigerii et quietis in sinum Abrahæ transferatur. Per Christum Dominum nostrum." "Debitum humani corporis." "Omnipotens sempiterne Deus, qui humano corpori animam inspirare dignatus es, dum te jubente pulvis in pulverem revertitur: tu imaginem tuam cum sanctis et electis tuis æternis sedibus jubeas sociari: per Dominum nostrum Jesum Christum. His omnibus expletis, postquam sepultus fuerit, sacerdos cum aqua benedicta aspergat tumulum, et dicat alta voce. Pater noster. Et omnes, sub silentio dicant. Pater noster. etc. Oratio. Satisfaciat tibi, Domine. Dominus vobiscum. Anima ejus et animæ omnium fidelium defunctorum, per misericordiam Dei requiescant in pace. Resp. Amen. Et statim cantor incipiat resp. Memento mei. Cum quo revertuntur in ecclesiam. Cumque pervenerint in ecclesiam stent in ecclesia, sc. in choro (?) et finito responsorio Sacerdos dicat: Pater noster. Et ne nos. Tibi, Domine, commendamus, etc." Pontif. Bangor. Abrahæ collocare dignetur, ut cum magni judicii dies advenerit, inter sanctos et electos suos eum vel eam in parte dextera collocandum vel collocandam resuscitari faciat. Qui vivit et regnat Deus. Per omnia sæcula sæculorum. Amen. Alia oratio cum Oremus. Oratio. Deus qui humanarum animarum æternus amator es, animam famuli tui vel famulæ tuæ N. quam vera dum in corpore maneret tenuit fides, ab omni cruciatu inferorum redde extorrem, ut segregata ab infernalibus claustris sanctorum tuorum mereatur adunari consortiis. Per Christum. Finitis orationibus claudatur sepulchrum, ponente prius sacerdote absolutionem super pectus defuncti, sic dicendo: Dominus Jesus Christus qui beato Petro apostolo suo, cæterisque discipulis suis licentiam dedit ligandi atque solvendi, ipse te N. absolvat ab omni vinculo delictorum, et in quantum meæ fragilitati permittitur, precor sis absolutus vel absoluta ante tribunal ejusdem Domini nostri Jesu Christi, habeasque vitam æternam et vivas in sæcula sæculorum. Amen. Hic aspergatur tumulus aqua benedicta et incensetur, cantore incipiente Antiphonam. Hæc requies mea. E. u. o. u. a. e. Ps. Memento Domine David, et omnis mansuetudinis ejus. Finito psalmo sequatur antiphona : Hæc requies mea in sæculum sæculi: hic habitabo quoniam elegi eam. ¶ Qua dicta dicat sacerdos orationem, cum Oremus. Oratio. Deus, apud quem spiritus mortuorum vivunt, et in quo electorum animæ, deposito carnis onere, plena felicitate lætantur, præsta supplicantibus nobis, ut anima famuli tui vel famulæ tuæ N. quæ temporali per corpus visionis hujus luminis caruit visu, æternæ illius lucis solatio potiatur. Non eam tormentum mortis attingat, nec dolor horrendæ visionis afficiat. Non pœnalis timor excruciet, non reorum pessima catena constringat, sed concessa sibi venia omnium delictorum, optatæ quietis consequatur gaudia repromissa. Per Christum Dominum nostrum. Amen. Alia oratio cum Oremus. Oratio. Tu Domine Deus omnipotens, precibus nostris aurem tuæ pietatis accommodare digneris, tu miseris opem feras et misericordiam largiaris, et spiritum famuli tui vel famulæ tuæ N. vinculis corporalibus liberatum in pacem sanctorum tuorum recipias, ut locum pœnalem et gehennæ ignem in regionem viventium translatus evadat. Per Christum. Finitis orationibus executor officii terram super corpus ad modum crucis ponat, et corpus thurificet et aqua benedicta aspergat: et dum sequens psalmus canitur, corpus omnino cooperiatur, cantore incipiente Antipho nam. De terra plasmasti me. E. u. o. u. a. e. Psalmus. Domine probasti me et cognovisti me. Finito psalmo, tota dicatur antiphona. 'De terra plasmasti me, et carnem induisti me, redemptor meus Domine, resuscita me in novissimo die. Qua dicta dicat sacerdos sine Dominus vobiscum, et sine Oremus. Commendo animam tuam Deo Patri omnipotenti, terram terræ, cinerem cineri, pulverem pulveri, in nomine Patris. etc. Deinde dicat sacerdos hanc orationem, sine Oremus. Oratio. Temeritatis quidem est, Domine, ut homo hominem, mortalis mortalem, cinis cinerem tibi Domino Deo nostro audeat commendare: sed quia terra suscipit terram et pulvis convertitur in pulverem, donec omnis caro in suam redigatur originem, inde tuam Deus piissime Pater lachrymabiliter quæsumus pietatem, ut hujus famuli tui vel famulæ tuæ N. animam quam creasti de hujus mundi voragine cœnolenta ad patriam ducas, Abrahæ amici tui sinu recipias, (et?) refrigerii rore perfundas. Sit ab æstuantis gehennæ truci incendio segregata, et beatæ requiei, te donante, conjuncta. Et si quæ illi sunt, Domine, dignæ cruciatibus culpæ, tu eas gratia tuæ mitissimæ lenitatis indulge, ne peccati vicem sed indulgentiæ tuæ piam sentiat bonitatem. Cumque finito mundi termino supernum cunctis illuxerit regnum, novus homo sanctorum omnium cœtibus aggregatus vel aggregata cum electis tuis resurgat in parte dextera coronandus vel coronanda. Per Chris tum. Alia oratio. Oremus. Oratio. Deus vitæ dator, et humanorum corporum reparator, qui te a peccatoribus exorari voluisti, exaudi preces quas speciali devotione pro anima famuli tui vel famulæ tuæ N. tibi lachrymabiliter fundimus: ut liberare eam ab inferorum cruciatibus et collocare eam inter agmina sanctorum tuorum digneris, veste quoque cœlesti et stola immortalitatis indui, et paradisi amoenitate confoveri jubeas. Per Christum. Finita oratione incipiat cantor antiphonam. Psalmus. Laudate Dominum de cœlis. Cantate Domino canticum novum. Ps. Laudate Dominum in sanctis ejus. Finito psalmo, tota dicatur antiphona, scilicet. Omnis spiritus laudet Dominum. Qua dicta dicat sacerdos sine Dominus vobiscum, et sine Oremus. Oratio. Debitum humani corporis sepeliendi officium fidelium more complentes, Deum cui omnia vivunt fideliter deprecemur, ut hoc corpus cari nostri vel caræ nostræ N. a nobis infirmitate sepultum, in ordine sanctorum suorum resuscitet, et ejus spiritum sanctis ac fidelibus aggregari jubeat, cum quibus inenarrabili gloria et perenni felicitate perfrui mereatur. Per Dominum nostrum Jesum Christum Filium ejus. Qui cum eo vivit, etc. 8 Et Finita oratione incipiat sacerdos Antiphonam. intonetur ps. Benedictus, modo sequenti: totus ps. dicatur et cantetur hic solenniter sicut ad matutinum. Ant. Ego sum. Benedictus Dominus Deus Israel: quia visitavit et fecit redemptionem plebis suæ. Finito psalmo, tota dicatur antiphona. Ego sum resurrectio et vita, qui credit in me etiam si mortuus fuerit vivet, et omnis qui vivit et credit in me non morietur in æternum. Qua dicta sequatur hoc modo. Kyrie eleison. Christe eleison. Kyrie eleison. Hic roget sacerdos orare pro anima defuncti, ita dicens. Pro anima N. et pro animabus omnium fidelium defunctorum. Pater noster. 8 "Iste psalmus non cantetur hic solenniter sicut ad vesperas : sed communiter ut alii psalmi." Pontif. Sar. The Salisbury Pontifical puts this clause "Pro anima" etc.: and again presently the same when it is repeated, as a rubric. Possibly both are correct: the Bishop, when performing this Office, might be allowed to use either that, or some other and longer form, if he supposed it to be necessary. 1 |