iniquitate atque fragilitate contraxit, clementer indulgere digneris. Te rogamus audi nos. Ut eum in pacis ac lucis regione constituere digneris. Te rogamus audi nos. Ut ei gaudium et exultationem in regno tuo, cum sanctis et electis tuis donare digneris. Te rogamus audi nos. Ut nos exaudire digneris. Te rogamus audi nos. Agnus Dei, qui tollis peccata mundi : Miserere animæ ejus. Christe Jesu: Miserere animæ ejus. Agnus Dei, qui tollis peccata mundi: Dona ei pacem, æternamque felicitatem, et gloriam sempiternam. Amen. Proficiscere anima Christiana de hoc mundo: in nomine Dei Patris omnipotentis, qui te creavit. Amen. In nomine Jesu Christi Filii ejus, qui pro te passus Amen. est. In nomine Spiritus Sancti, qui in te infusus est. Amen. In nomine Angelorum et Archangelorum. Amen. In nomine Thronorum et Dominationum. Amen. In nomine Principatuum et Potestatum et omnium cœlestium Virtutum. Amen. In nomine Cherubin et Seraphin. Amen. In nomine Patriarcharum et Prophetarum. Amen. In nomine Apostolorum et Martyrum. Amen. In nomine Confessorum et Episcoporum. Amen. In nomine Sacerdotum et Levitarum, et omnium ecclesiæ catholicæ graduum. Amen. In nomine Monachorum et Anachoretarum. Amen. In nomine Virginum et fidelium Viduarum, hodie in pace locus tuus fiat: et habitatio tua in cœlesti Hierusalem. Amen. Suscipe itaque, Domine, servum tuum in bonum et lucidum habitaculum tuum. Amen. Libera, Domine, animam servi tui ex omnibus periculis infernorum et de locis pœnarum et de omnibus doloribus tribulationum. Amen. Libera, Domine, animam servi tui, sicut liberasti Enoch et Heliam de morte communi. Amen. Libera, Domine, animam servi tui, sicut liberasti Loth de Sodomis et de flamma ignis. Amen. Libera, Domine, animam servi tui, sicut liberasti Isaac de manu patris sui Abrahæ. Amen. Libera, Domine, animam servi tui, sicut liberasti Moysen de manu Pharaonis. Amen. Libera, Domine, animam servi tui, sicut liberasti Job de passionibus suis. Amen. Libera, Domine, animam servi tui, sicut liberasti David de manu Goliæ et de manu Saul regis. Amen. Libera, Domine, animam servi tui, sicut liberasti Danielem de lacu leonum. Amen. Libera, Domine, animam servi tui, sicut liberasti tres pueros de camino ignis ardentis. Amen. Libera, Domine, animam servi tui, sicut liberasti Susannam de falso crimine. Amen. Libera, Domine, animam servi tui, sicut liberasti Petrum et Paulum de vinculis. Amen. Sicut liberasti sanctos servos tuos de tormentis: sic liberare digneris animam servi tui de gehennæ incendiis, et ab omnibus angustiis. Amen. 104 COMMENDATIO ANIMARUM. EQUATUR commendatio animarum, et dicatur in SEQ camera vel in aula sine nota juxta corpus, et omnia subsequenter similiter usque ad processionem ad hominem mortuum suscipiendum. Post commendationem sequatur. Resp. Subvenite Sancti Dei, occurrite Angeli Domini, suscipientes animam ejus. Offerentes eam in conspectu Altissimi. Versus. Suscipiat te Christus qui vocavit te, et in sinum Abrahæ angeli deducant te. Offerentes. Sequatur oratio sine Dominus vobiscum et sine Ore mus. Oratio. Tibi, Domine, commendamus animam famuli tui. N. ut defunctus sæculo tibi vivat, et quæ per fragilitatem mundanæ conversationis peccata admisit, tu venia misericordissimæ pietatis absterge. Per Christum Dominum nostrum. Amen. Misericordiam tuam, Domine, sancte Pater, omnipotens æterne Deus, pietatis affectu rogare pro aliis cogimur, qui pro nostris supplicare peccatis nequaquam sufficimus: tamen de tua confisi gratuita pietate et inolita benignitate clementiam tuam deposcimus, ut animam famuli tui N. ad te revertentem cum pietate suscipias. Adsit ei angelus testamenti tui Michael, et per manus sanctorum angelorum tuorum in sinu Abrahæ patriarchæ tui eam collocare digneris: qua tenus liberata de principibus tenebrarum et de locis pœnarum, nullis jam primævæ nativitatis vel ignorantiæ aut propriæ iniquitatis seu fragilitatis confundatur erroribus, sed potius agnoscatur a tuis, et sanctæ beatitudinis requie perfruatur, atque cum magni judicii dies advenerit, inter sanctos et electos tuos aggregata, gloria manifestæ contemplationis tuæ perpetuo satietur. Per Christum. Ant. Suscipiat te Christus qui vocavit te, et in sinum Abrahæ angeli deducant te. Ps. In exitu. Totus psalmus dicitur sine Gloria patri. Ut inferius patebit, scilicet in officio sepulturæ. Quo finito dicat sacerdos. Dominus vobiscum. Oremus. Oratio. Omnipotens sempiterne Deus, qui humano corpori animam ad similitudinem tuam inspirare dignatus es, dum te jubente pulvis in pulverem revertitur, tu imaginem tuam cum sanctis et electis tuis, æternis sedibus præcipias sociari, eamque ad te revertentem de Ægypti partibus blande leniterque suscipias, et angelos tuos sanctos ei obviam mittas, viamque illi justitiæ demonstra, et portas gloriæ illi aperi. Repelle, quæsumus, ab eo omnes principes tenebrarum et agnosce depositum fidele quod tuum est. Suscipe, Domine, creaturam tuam non ex diis alienis creatam, sed a te solo Deo vivo et vero, quia non est alius deus præter te Domine, et non est secundum opera tua. Lætifica, clementissime Pater, animam servi tui .N. et clarifica eam multitudine misericordiæ tuæ. Ne memineris quæsumus iniquitatum ejus antiquarum, et ebrietatum quas suscitavit furor mali desiderii: licet enim peccaverit, tamen te non negavit, sed signo fidei insignitus te qui omnia et eum inter omnia fecisti, fideliter ado ravit. Qui vivis et regnas Deus. Per omnia sæcula sæculorum. Amen. Ant. Chorus angelorum. Psalmus. Dilexi quoniam exaudiet Dominus: vocem orationis meæ. Psalmus. Credidi propter quod locutus sum. Psalmus. Laudate Dominum omnes gentes. Ps. Confitemini Domino quoniam bonus, quoniam in sæculum misericordia eius. Ps. Beati immaculati. usque ad Ad Dominum cum tribularer sine Gloria Patri. Finitis psalmis incipiatur Ant. Chorus angelorum te suscipiat, et in sinu Abrahæ collocet, ut cum Lazaro quondam paupere æternam habeas requiem. Qua finita dicat sacerdos. Oremus. Diri vulneris novitate percussi et quodammodo cordibus sauciati, misericordiam tuam, mundi Redemptor, flebilibus vocibus imploramus, ut cari nostri .N. animam ad tuam clementiam (qui fons es pietatis) revertentem blande leniterque suscipias: et si quas illa ex carnali commercio contraxit maculas, tu Deus solita bonitate clementer deleas, pie indulgeas, oblivioni in perpetuum tradas, atque hanc laudem tibi cum cæteris reddituram, et ad corpus proprium quandoque reversuram, sanctorum tuorum cœtibus aggregari præcipias. Qui cum Deo Patre et Spiritu Sancto vivis. Hic roget sacerdos orare pro eo, ita dicens. Pro anima N. et pro animabus omnium fidelium defunctorum. Pater noster. æternam dona ei, Et ne nos. Sed libera. Requiem Domine. Et lux perpetua luceat ei. A porta inferi. Exue Domine. Non intres in |