Techeth a man to kepe his tonge wel; But natheles thus taughte me my dame; My sone, thinke on the crowe a Goddes name. Is no man shent, to speken generally.. The Fleming sayth, and lerne if that thee lest, My sone, if thou no wicked word hast said, THE PERSONES PROLOGUE. Fulfilled is my sentence and my decree; I pray to God so yeve him right good chance, That telleth us this tale lustily. Sire preest, quod he, art thou a vicary? Or art thou a Person? say soth by thy fay. Be what thou be, ne breke thou not our play; For every man, save thou, hath told his tale. Unbokel, and shew us what is in thy male. For trewely me thinketh by thy chere, Thou shuldest knitte up wel a gret matere. Tell us a fable anon, for cockes bones. This Person him answered al at ones; Thou getest fable non ytold for me, For Poule, that writeth unto Timothe, Repreveth hem that weiven sothfastnesse, And tellen fables, and swiche wretchednesse. Why shuld I sowen draf out of my fist, Whan I may sowen whete, if that me list? For which I say, if that you list to here Moralitee, and vertuous matere, And than that ye wol yeve me audience, I wold ful fain at Cristes reverence Don you plesance leful, as I can. But trusteth wel, I am a sotherne man, To knitte up all this feste, and make an ende: That hight Jerusalem celestial. And if ye vouchesauf, anon I shal Of clerkes, for I am not textuel; I take but the sentence, trusteth me wel. Upon this word we han assented sone: Our hoste had the wordes for us alle: THE PERSONES TALE. OUR Swete Lord God of heven, that no man wol perish, but wol that we comen all to the knowleching of him, and to the blisful lif that is pardurable, amonesteth us by the Prophet Jeremie, that sayth in this wise: Stondeth upon the wayes, and seeth and axeth of the olde pathes: that is to say, of olde sentences; which is the good way: and walketh in that way, and ye shul finde refreshing for your soules. Many ben the wayes spirituel that leden folk to our Lord Jesu Crist, and to the regne of glory: of which wayes, ther is a ful noble way, and wel covenable, which may not faille to man ne to woman, that thurgh sinne hath misgon fro the right way of Jerusalem celestial; and this way is cleped penance; of which man shuld gladly herken and enqueren with all his herte, to wete, what is penance, and whennes it is cleped penance, and how many maneres ben of actions or werkings of penance, and how many spices ther ben of penance, and which thinges apperteinen and behoven to penance, and which thinges distroublen penance. Pe Seint Ambrose sayth, That penance is the plaining of man for the gilt that he hath don, and no more to do any thing for which him ought to plaine. And som doctour sayth: Penance is the waymenting of man that sorweth for his sinne, and peineth himself, for he hath misdon. nance, with certain circumstances, is veray repentance of man, that holdeth himself in sorwe and other peine for his giltes: and for he shal be veray penitent, he shal first bewailen the sinnes that he hath don, and stedfastly purposen in his herte to have shrift of mouth, and to don satisfaction, and never to don thing, for which him ought more to bewayle or complaine, and to continue in good werkes: or elles his repentance may not availe. For as Seint Isidor sayth; he is a japer and a gabber, and not veray repentant, that eftsones |