Commissionarius Ab Anna Felicissimæ Memoriæ Reginâ De Pace stabilienda (Pace etiamnum durante Diuque ut boni jam omnes sperant duratura) Cum summa potestate Legatus Matthæus Prior Armiger Qui Hos omnes, quibus cumulatus est, titulos Humanitatis, ingenii, eruditionis laude Superavit Cui enim nascenti faciles arriserant musæ. Hunc Puerum Schola hic regia perpolivit. Juvenem in collegio Sti Johannis Cantabrigia Optimis scientiis instruxit. Virum denique auxit, et perfecit Multa cum viris Principibus consuetudo Ita natus, ita institutus, A vatum choro, avelli nunquam potuit Sed solebat sæpe rerum Civilium gravitatem, Amaniorum literarum studiis condire Et cum omne adeo Poetices genus Haud infeliciter tentaret Tum in fabellis concinne lepideque texendis Mirus Artifex Neminem habuit parem Hæc liberalis animi oblectamenta Quam nullo illi labore constiterint Facile ii perspexere, quibus usus est Amici Apud quos Urbanitatum et leporum plenus Cum ad rem quæcunque forte inciderat Aptè, variè copiosèque alluderet Interea nihil quæsitum, nihil vi expressum Videbatur Sed omnia ultro effluere Et quasi jugi e fonte affatim exuberare Ita suos tandem dubios reliquit Essetne in Scriptis Poeta elegantior An in Convictu, Comes jucundior. |